Bismilahirrohmanirrohin
Assalamu’alaikum
Wr. Wb
Alhamdulillah alhamdulillahirobbil alamin ........
Alhamdulillah alhamdulillahirobbil alamin ........
Mugi tinebihno saking tulak-sarik
sarto bebenduning pangeran ingkang moho agung, jalaran kulo kumowantun jumejer
wonten ngajeng tuwin iring handiko , sarto nggempil kamardikan pangandikan
handiko sami, kang datan nyuwun idi palilah langkung rumiyin.
Nun-injih mradopo awit saking
keparengipun bopo ingkang hamangku gati,
diri pribadi kulo ingkang kinen matur pinongko sulihing rogo sinambeting atur , hangaturaken pambagyo yuwono awit rawuh jengandiko sami.
Namung sakderengipun kulo njangkepi atur, sumonggo handiko sami kulo derekaen hangaturaken puji pangalembono
panyuwun miwah panuwun wonten ngarsa dalem Alloh, ingkang tansah paring Rohmat,
Hidayah, sarto Inayah-ipun, sahinggo kepareng mbabar doyo pangaribowo ingkang
agung tumanduk dateng kito sami, kacihno ing ri-kalenggahan puniko, kito taksih
dipun keparengaken kempal manunggal, bandhol krompol ing papapn mriki, sami
wawan pangandikan kaliyan poro pepundhen dalah kadang mitro waruju kanthi kebak ing raos kabingahan .
Poro tamu ingkang luhuring budi, Panjenenganipun Bopo..... ing kalenggahan puniki prasasat linobong ing manah ingkang dahat suko amarwoto suto, dene hangawuningani yento poro tamu kakung miwah putri wus kepaeng lenggah satoto pepak sinarojo, ndadosaken raos kang keronto ronto, satemah datan wonten pangandikan kang kawijiling lesan, pramilo lumantar kawulo, kepareng matur wonten ngarsanipun
Panjenengan poro Pepunden, poro pinisepuh, ingkang Hanggung mestuti
dateng pepoyaning kautaman, ingkang pantes pinundhi.
Panjenenganipun
Poro purnokaryo saklebeting projo, ingkang satuhu pantes nampi pakurmatan
saking poro kawulo dasih, ingkang satuhu dahat kinabekten.
Panjenenganipun
poro pangemban - pangembating projo, soho poro priyogung ingkang sampun pono-ing pamawas tuwin lebdo
ing pitutur sarto luhuring budi, ingkang dahat kinurmatan.
Panjenenganipun Poro
pangarsaning agami poro alim-ulomo ingkang rinten pantaran ratri tansah sumanding kitabing wahyu Illahi pinongko
keblating panembah jati, ingkang sinudarsono.
Sandyan sampun randat kepareng kulo hangaturaken kasugengan awit rawuh jengandiko ing pahargyan puniki, sinartan atur panuwun kang tanpo pepindhan, dene jengandiko wus kepareng nglonggaraken wekdal soho dangan ing penggalih, hanjenengi pahargyan ing ri kalenggahan puniki. Pramilo
mbok bilih tumanggap kulo dateng rawuh jengandiko, kawiwitan saking poro kadang
hamong tamu ingkang kirang manis eseme, kirang grapyak
mboten Ateges sengguh namung amergi kirang wanuh, anggenkulo nyawisaken
palenggahan mboten tumoto jalaran kirang
kawruh, lan mbok bilih samangke anggen kulo caos pasehagahan ingkang arupi unjukan
mboten manis amergi kirang juruh, sarto
daharan kang datan miraos amergi kirang lawuh, sarto lumadosing pasugatan ingkang lumantar
putro kaneman kawistoro sengguh,
mawantu wantu nyadong lumunturing sih pangapunten saking jengandiko sagung poro rawuh.
Poro lenggah
ingkang minulyo ing budi. Datan katalumpen panjenenganipun Bopo
….. ugi ngaturaken agunging panuwun
awit paringipun sumbangsih soho pambiyantu panjengan, ingkang awujud bondho,
tenogo tuwin penggalihan, ingkang
mujudaken cihnaning raos tresno jengandiko dateng kulo, sahinggo pahargyan ing titi kalodangan puniki saged
kelampahan, namung panjenenganipun Bopo….. tangeh anggenipun saged caos piwales
awit saking pambiyantu jengandiko sami, namung mugi – mugi linuberan nugroho soho rezeki ingkang
sakelangkung kathah saking Alloh SWT.
Poro
tamu ingkang kinurmatan, Kadang kulo ....., Dalasan keluargo nyuwun
pangapunten ingkang agung, dene anggenipun nyawisaken palenggahan kirang
dadosaken renaning penggalih penjenengan, lan samangke mbok bilih ingkang
hamengku gati ngaturaken cihnaning raos tresno dateng penjenengan, ingkang
awujud pasugatan unjukan sarto penderekipun mboten nuju prono, tuwin lumadosing
pasugatan kirang trapsilo mawantu-wantu nyuwun pangapunten .
Mboten
kesupen, ..................
ugi ngaturaken agunging panuwun awit sumbangsih soho pambiyantu panjengan,
ingkang awujud bondho, tenogo lan penggalihan, mugi – mugi kesaenan
penjengan pikantuk lelintu ganjaran saking Alloh SWT.
katah
atur soho patrap, ingkang mboten ndadosaken renaming penggalih penjenengan,
saestu kanthi andhap asoring manah kulo nyuwun rumentahing pangapunten ingkang
agung.
Wasono
sumonggo adicoro puniki sesarengan kito kapungkasi kanthi maos
Akhamdulilah sesarengan.
Pungkasaning
atur Wasalam mu’alaikum Wr.Wb
Matuw nuwun.
Tidak ada komentar:
Posting Komentar