Bismilahirrohmanirrohim.
Assalamu’alaikum
Wr. Wb.
Wonten ngarsanipun, Panjenengan poro pepunden, poro
pinisepuh dalasan sesepuh, ingkang ingkang pantes kulo bekteni.
Panjenenganipun
poro pangemban, pangembating projo, ing ingkang satuhu pono-ing pamawas tuwin
lebdo ing pitutur, ingkang dahat kinurmatan.
Panjenenganipun
Poro pangarsaning agami, poro alim ulomo, ingkang rinten pantaran
ratri tansah hanganggit soho mratitisaken pustoko suci, pinongko
keblating panembah ingkang pantes sinudarsono.
Nun-injih,
Nuhoni awit saking keparengipun, Bopo ..... sekaliyan garwo, ing kalenggahan
Puniko kulo ingkang piniji hanganthi rantamaning adicoro, pinongko pambiworo,
wonten adicoro pasrah panampining panglamar, soho sarono jangkeping toto
coro salaki rabi.
Namung sakderengipun kulo hangaturaken urut menggah rantamaning
adicoro, ingkang sampun rinakit dening kulowongso. langkung rumiyin sumonggo
kito tansah ngaturaken pangalembono miwah panuwun kunjok ngarsa-dalem Alloh,
ingkang tansah paring barokah soho rahmat dumateng kito sedoyo, sahinggo
ing kalenggahan puniko saget makempal mangunggal ing papan mriki kanthi
kebak ing kabingahan, kesarasan sarto rahayu nir ing sambikolo.
Wonten ngarsanipun poro rawuh ingkang tansah sinubo ing akrami,
ingkang kinurmatan.
Kepareng
kulo hangaturaken menggah rantamaning adicoro ingkang sampun
rinakit.
Kaping sepisan
Kapurwakan Atur Pambuko
Kaping kalih Pangandikan Atur
Pambagyoharjo yuwono.
(samangke ingkang kepareng
caos pangandikan, Bopo .....)
Kaping tigo Pangandikan Atur
lamaran, soho sarono toto coro jangkeping salaki Rabi.
(samangke
ingkang kepareng medhar sabdo, Bopo ...... )
Kaping sekawan Tanggap sabdo
(samangke ingkang
kepareng caos pangandikan panjenengaipun Bopo ......... )
Ingkang pungkasan
(petutup).
Sanggyaning poro rawuh ingkang sinubo ing akrami, ingkang
tansah kinurmatan. Mekaten poro tamu soho poro lenggah, menggah urut
reroncening titi laksito adicoro ing ri kelenggahan puniko.
Kapurwakan
adicoro ingkang sepisan, injih
meniko pambuko, pramilo sumonggo penjenengan sedoyo, kulo derekaken ndedongo wonten
gusti ingkang murbo-ing dumadi, supados lampahing adicoro meniko pikantuk
barokah soho rahmating Alloh. Swt.
pramilo
dumateng penjenengan, ingkang ngrasuk agami sak-sanes-ipun agami Islam,
pandongo kulo atur-aken dumateng panjenengan, ananging penjengan ingkang
ngrasuk agami Islam, sumonggo adicoro kito purwakani kanthi maos Lafal Basmalah
sesarengan.
Mugi kanthi dongo pambuko sawau sageto handadosaken
rancaging adicoro ing rikalenggahan puniki.
Panjenengan-ipun
poro tamu ingkang kebak toto susilaning akrami ingkang kinurmatan,
tumuli
ngancik titilaksito ingkang kaping kalih , atur
pambagyo-harjo yuwono saking ingkang hamengku gati, pramilo dumateng
ngarsanipun Bopo Sutrisno pramilo kalodangan sarto sasananing
pangandikan kasumanggakaen.
(saksampin-ipun pangandikan rampung )
Paripurno
atur pangayubagyo wilujeng, saking Bopo ...... lumantar ......, kulo-aturaken agunging
panuwun .
Sagung
Poro rawuh ingkang kinurmatan, ngancik adicoro ingkang kaping tigo injih puniko,
Pangandikan Panglamar soho pasrahing sarono jangkeping toto coro salaki
rabi. Pramilo dumateng Bopo ………… sasono pangadikan kasumanggak-aken.
(saksampin-ipun pangandikan
rampung )
(miturut
prastowo ingkang lumampah )
Panjenengan-ipun poro tamu ingkang kebak toto susilaning
akrami ingkang bagyo-mulyo,
Titi
laksito adicoro pasrah panampining Lamaran soho jangkeping toto-coro
salaki rabi, sampun kalampahan kanthi rancag datan manggih rubedo setunggal punopo.
Amien
Pramilo
sumonggo kito ngancik adicoro ingkang pungkasan nun-injih Panutup.
Namung
sakderengipun adicoro puniki kito kapungkasi. Kulo ingkang kapitedhan sinaroyo
hanganthi titilaksitaning adicoro, katah atur soho patrap, ingkang mboten ndadosaken
renaming penggalih penjenengan, nyuwun rumentahing pangapunten ingkang agung.
Wasono
sumonggo adicoro puniki sesarengan kito kapungkasi kanthi maos Khamdalah
sesarengan.
Pungkasaning
atur Wabilahitaufik Walhidayah Wasalam mu’alaikum Wr.Wb
Tidak ada komentar:
Posting Komentar