Kawruh Babagan Ngadi Sariro lan Ngadi Busono

Kawruh Babagan Ngadi Sarira lan Ngadi Busana

A.  Pengageman

Rehning jeman sakmenika Jamanipun jaman kang wus Moderen, sampun katah tiyang ingkang ngginak-aken ageman cara-cara ingkang mboten treb kaliyan kahanan, malah jepara tiru-tiru pengageming tiyang manca negari ( Turis Asing ) ingkang tebih kaliyan kabudayan jawi ingkang sayekti adiluhung, ( kabudayan jawi menika mboten kok kedah ngagem surjan, beskap, bebet, sinjang, lsp ) namung ingkang dipun tengenaken injih menika babagan ajining diri kang metu saka ageman ingkang dipun agem.

Ageman makaten estunipun saget kaperang  dados kalih (2)

1. Perangan ageman wonten ing swasana          gumbira, kaperang dados 2

1.      Resepsi lan parepatan agung
2.  Ageman ing swasana resepsi utawi ing parepatan gung kedah saged nedahaken swasana kang sumringah. ( nggatosaken etika lan sopan santun )
3.       Rekreasi
4.   Ageman sarwa sigrak, sandal, sepatu santai, datan ngagem sesatya ( perhiasan )
5.  Perangan ageman wonten ing swasana sedih.
6.   Ageman wonten ing swasana sedih kedah ngagem ageman ingkang sarwa kalem, mboten kedah warni cemeng ugi mboten perlu ngagem sesotya ( perhiasan )
7.     Trap-trapaning Pengageman kejawen.
8.    Beskap Landung (surjan)
9.  Pengageman kejawen padintenan (dulu) namung saget dipun agem ing prastawa ingkang mboten resmi, kadosta : Midodareni, siraman, supitan, tanggap warsa, saresehan lsp.
10.       Beskap kanthi latar sanes cemeng.
11.   Ageman kejawan jangkep, ngagem  duwung gayaman, dipun agem wonten ing adicara, kadosta : Lamaran, Asrah tampi srah srahan, Ijab.
12.    Beskap kanthi latar cemeng.
13.   Ageman kejawen jangkep ngagem duwung ladrang dipun agem wonten ing adicara resmi / resepsi

Pengagem-ipun ingkang Hamengku gati mantu 
(Kakung) Ngagem kejawen jangkep, duwung ladrang, nyamping truntum, sabuk sindur ( manunggaling priya lan wanita )

 ( Ibu ) Ngagem sinjang sami kaliyan ingkang kakung,sabuk sindur, ukel bangun tulak.

Mligi kagem pambiwara ( MC )
Mligi kagem para kadang pambiwara, mboten wonten pathokanipun (ancer 2 ) babagan ageman. Namung sumangga menawi penjenengan, madeg pinangka pambiwara (MC) kaselarasna kaliyan kahanan ingkang bade dumados.

Pamedarsabdo Panglamaring Wanito lan Pasrah Sarono Jangkebing salaki rabi

1. Tulada Sabdatama Panglamaring Wanita lan Pasrah Sarana Jangkebing salaki rabi

Bismilahirrohmanirrohim                                              

Assalamu’alaikum Wr. Wb

Alkhamdulillah .....................

Mugi tinebihna saking tulak-sarik sarta bebenduning pangeran ingkang maha agung, jalaran kula kumowantun ngadeg wonten ngajeng tuwin iring handika , sarta nggempil kamardikan pangandikan handika sami, kang datan nyuwun idi palilah langkung rumiyin.

Nun-injih mradapa awit saking keparengipun Bapa ............ diri pribadi kula ingkang kapitedhan sinaraya ngaturaken menggah gatining pisowan kula sagotrah, namung sakderengipun kula ngaturaken gatining sowan kula, sumangga Jengandika sami kula derekaen hangaturaken puji pangalembana panyuwun miwah panuwun wonten ngarsa dalem Alloh, ingkang tansah paring Rohmat, Hidayah, sarta Inayah-ipun, sahingga kepareng mbabar daya pangaribawa  ingkang agung tumanduk dateng kita sami, kacihna ing ri-kalenggahan punika, kita taksih dipun keparengaken kempal manunggal, bandhol krompol ing papapn mriki, sami wawan pangandikan kaliyan para pepundhen dalah kadang mitra waruju kanthi  kebak ing raos kabingahan .

Nun-injih pramila kepareng matur :

Wonten ngarsanipun Panjenengan para Pepunden, para pinisepuh, ingkang Hanggung mestuti dateng pepoyaning kautaman, ingkang pantes pinundhi.

Panjenenganipun Para purnakarya saklebeting praja, ingkang satuhu pantes nampi pakurmatan saking para kawula dasih, ingkang satuhu dahat kinabekten.

Panjenenganipun para pangemban - pangembating praja, saha para priyogung  ingkang sampun pana-ing pamawas tuwin lebda ing pitutur sarta luhuring budi, ingkang dahat kinurmatan.

Panjenenganipun Para pangarsaning agami para alim-ulama ingkang rinten pantaran ratri tansah sumanding kitabing wahyu Illahi pinangka keblating panembah jati, ingkang sinudarsana.

Duk-ing uni,  wonten titahing Alloh ingkang asipat jalu tanapi wanita ingkang samia apagut tingal, tempuking pandulu catur netro, sahingga kepareng mbabar daya pangaribawa ingkang rumasuk ing sanubari, tumuli tuwuh raos tresna antawis kekalihipun.

Nun-injih kang jalu kang apeparap bagus ............... atmaja panjalunipun Bapa .................., dene kang pawestri asesilih pun dyah ayu .............. atmaja putrinipun Bapa ....., sahingga wonten paribasan Anak Polah Bapa Pradhah.

Nun-injih dinten kang wus kawuri panjenengan-ipun Bapa ..........  wus kepareng Sowan ngarsanipun Bapa ..............., sanadyan paribasan  Lampah ndodok, ndodog kori, nginang jambe suruhe, arsa metik sekar kang endah ingkang tuwuh ing taman mriki.

Golong gilig manah kekalih-ipun antawis Bapa ....... dalah Bapa ....., sahingga kepingin hangraketaken balung apisah daging arenggang, kanthi bebesanan.

Pramila sowan kula sagotrah kinanthen rembag sarta sarana  pinangka jangkebing salaki rabi.

1.Kula sak gotrah kepareng nderek silaturrochim wonten ing keluwarga mriki.

      Bapa ..... ngaturaken pangabekti mugi           katur wonten ngarsanipun   para                     pinisepuh dalasan pepundhen.

2.Bapa ..... ngaturaken salam taklim   kanthi atur Assalamualaikum Wr.Wb.

Dene kanthenipun ingkang kedah kula aturaken awujud

1.Piranti panembah jati ( Seperangkat alat sholat )

2.Pisang raja satangkep pinangka sanggan

3.Ayam jalu kang wus umur pinangka bombongan

4.Sinjang sak suwek pinangka pesing kagem pun eyang.

5.Sangsangan, Giwang sakceplik, binggel, kalpika, sanajan manung gatra.

6.Piranti ngadi Busana

7. Piranti ngadi sarira

8.Bebingah dateng ingkang Kadang Werdo (Pelangkah)

9.Bebantu kagem cecawis pasegahan, ingkang awujud, Wos raja lele, Wos ketos sakjimpit, brambang bawang sak siung, sarem sak jimpit, gendis jawi sak cuil, lsp.

10.  Angsal – angsal

11.  Redana

Sanggyaning Pinilenggah ingkang dahat Bagya mulya, Panjenenganipun Bapa ..... anggadahi gungan, supados putranipun kang asesilih Bagus .....  ka-ijabna kaliyan putri jengandika ingkang asesilih Genduk ayu ..... kanti satata agami Islam, sarta meterat satataning tatacara lan budaya kang lumampah ing tlatah mriki.

Panjenengaipun pini lenggah ingkang satuhu dahat kinabekten, mbok bilih samangke wus wonten pratandha kang cetha bilih titilaksita adicara ing titi kalodangan puniki pari purna, pramila kula sak-gotrah tumuli nyuwun pamit, nyuwun tambahing donga pangestu murih lampah kula samangke tansah winantu ing suka basuki tebih saking rubeda satemah kalis  ing sambilala.

Wasana kula ingkang kapitedhan sinaraya matur wonteh ngarsa jengandika sami, kepanggih lepat anggen kula matur, saha kirang subositaning patrap kula anggen kula jumejer ing papan mriki, ka-penggalih kirang nuju prana, kula nyadhong lumunturing-sih pangapunten saking jengandika sami.

Pungkasaning atur kula Wasalamu’alaikum Wr. Wb.

Wekdal saha sasana wicara kula aturaken dateng kadang pambiwara.

Condro Rengganing papaning pahargyan lan pinanganten

• 
  
• Candra Rengganing papaning pahargyan lan
  upacara panggih
  Wonten ngarsanipun Panjenengan para Pepunden, para pinisepuh, ingkang Hanggung mestuti dateng pepoyaning kautaman, ingkang pantes pinundhi.
  Panjenenganipun Para purnakarya saklebeting praja, ingkang satuhu pantes nampi pakurmatan saking para kawula dasih
  Panjenenganipun para pangemban - pangembating praja, saha para priyogung satriyaning nagari ingkang sampun pana-ing pamawas tuwin lebda ing pitutur sarta luhuring budi, ingkang dahat kinurmatan.
  Panjenenganipun Para pangarsaning agami para alim-ulama ingkang satuhu bagya mulya.
                 Nun-injih panjenengaipun Ingkang hamengku gati ing ri kalenggahan puniki prasasat linobong ing manah ingkang dahat suko amarwata suta, dene hangawuningani yento papaning pahargyan kang tinata kanthi edi-endah milangoni apindha papaning pisowanan ageng, kang tinata dining  para kadang panawuing krida.
              Injih awit saking korining dusun Jadan mriki wus kawistara Rontek  miwah  Umbul – umbul. Paring pratanda kumlebeting rontek miwah umbul – umbul kang katiuping maruta manda, pinda asung  pambagyaharja dateng rawuh-ipun sagung para tamu ingkang satuhu bagya mulya.
               Dumugi sak ngajenging Wiwaraning pahargyan, jroning sanubari ngungun dene hangawuningani yenta eden-eden ingkang pinangka wiwaraning pahargyan karakit saking Praadapà mancawarna ingkang tinunggulan dining roning wandira ( Ron = godong Wandira = waringin ) sarta  2-janjang klapa gading, 2- tandan pisang raja,  adeg adeg deling ampel dalah tebu apus sajodo, roning kluwih, suket alang alang, sarta gegodhongan sanesipun, yekti  katon asri yen dinulu.
                Lajeng menapa werdinipun roning wandiro kapacak  ing korining wiwara,  Ngrembuyunging godhong ringin asung pralambang  bilih hanggennya mbangun balai wisma samangke, kanti pangajab mugi sagetdta pinangka dados pangayomaning kulawongsa, pindha ayoming roning wandira.
               2 tandan ( jajnjang ) klapa Gading kapasang ing korining pahargyan, Mujudaken  satunggaling panyuwunan dateng ingkang  kunjuk ngarsaning Alloh, kanthi pangajab putra pinanganten sarimbit enggala pinaringan  gegaduhan pracima ingkang saged tata jalmoa(momongan) ingkang kathah kadya kathahing klapa gading kang kapacak ing korining wiwara.
             2 Tundun pisang raja ugi kapacak ing korining pawiwahan, mugi mugi putra pinanganten sarimbit tansah hanungkulaken  mustaka tumuli nyadong astane kekalih,  tansah  emut sedaya perkawis ingkang dumados ing ngalam donyo, nemahi dateng putra pinanganten sarimbit menika awit saking kersanipun Alloh, pramila namung tansaho nyuwun lan  dedepe wonten ngarsaning Alloh,  sarta nyadong pitedahipun.
  Tumuli adeg adeg deling ampel saha tebu apus sak-jodo, werdinipun mugi mugi putra pinananganten sarimbit jejeg Iman-ipun, saga tansah emut dateng Alloh SWT, pinangka Sesembahanipun, sahingga lepat saking Guna, sengkala, tuwin Tulak sarik sesami gesang, satemah saged mbagun balai wisma kanthi rahayu nir ing sambekala donya dumugining delahan. ( sakinah mawadah Warohmah )
              Gumelaring babut permadani ingkang dipun sebari sekar manca warni, nuwuhaken  aruming swasana,  sarta wus pinajang daparing kanarendran pinangka lenggahipun pinanganten sarimbit , ing kanan saha kiring-ipun damparing kanarendran ugi pinajang papan palengghanipun para pepundhen, kang wus kuwawi minisuda atmaja kekalih.
  
  
  
  
•     Download Condro Rengganing Papaning Pahargyan