Sinau basa jawi menika gampil
Bismilahirohmanirrokhim
Asalammu’alaikum Wr.Wb
Sedaya puji
kelawan Syukur kunjuk ngarsa dalem
Alloh, ingkang murbeng dumadi awit paringipun Rochmat sarta hidayah
dateng kita, sahinga kita tansah saget ngraosaken kesarasan sarta kabingahan sarta
umur panjang ingkang muggunani.
Mujudaken
kanugrahan menggahing donyaning kejawen bilih penjengan kersa sinau basa jawi
ingkang jangkep. Istingarah hangleluri basa jawi ingkang adiluhung puniki,
ingkang meh kemawon kadesek dening kabudayan saking manca negari (moderen)
Ateges kita
tasih nggadahi raos handarbeki lan tanggel jawab dateng kabudayan jawi
mliginipun.
Para kadang,
sinau basa jawi punika, wonten mapinten-pinten perkawis ingkang kedah kita
gatosaken.
- Pikajengan
- Tingkah / Trapsila
- Tulada saking guru lan Alam
- Wawasan / Pengetahuan Umum
- Wawasan babagan basa jawi
- Lagu suwanten
- Busana ( Ageman )
Para kadang
wonten ing sinau samangke mboten wonten ingkang sinebat guru nanging mongga kita
kanthi sareng sareng pados seserepan babagan basa jawi .
Nanging mbok
bilih salah setunggal saking kita katuding kasuwun njlentrehaken (Caos Piwucal ) mugi samangke sageta katampi.
(mboten ateges guroni ).
Para kadang, kita
nggadhahi pangajab ing papan mriki tuwuh ngrembaka MC, MC. Lan pemedhar sabda
ingkang pinunjul ing tlatah mriki.
Namung perlu
kawuningan, mbok bilih samangke penjenengan
sampun saget, kepara pinter, sampun ngantos kaget bilih tiyang pinter
pangandikan ing pasamuan menika, samangke kathah sanget tiyang ingkang
mbetahaken penjenengan.
Perlu kula
jlentrehaken 7 (pitung) bab ing nginggil.
- Pikajengan
Sok-sintena kemawon ingkang kepingin sinau babagan menapa kemawon kedah
anggadhahi pikajengan ingkang wutuh tuwuh saking prentuling manahipun piyambak.(niat )
- Tingkah / Trapsila
Sedaya
tingkah laku wonten ing pasrawungan menapa dene ing pasamuan ( Pahargyan )
kedah dipun gatosaken tata trapsila (kridha) jalaran soksintena ingkang wani
pangandikan ing pasamuan ( Pahargyan ) mesti dipun gatosaken awon lan saenipun
dening tiyang kathah. 2
- Tulodho
saking guru lan alam
Pangertosan
basa lan sastra ingkang dipun pundhut saking tiyang sanes, utawi kahanan sanes
lanjeng kangge ngrumpaka basa ingkang tanpa sengaja niat sinau.
- Wawasan /
Pengetahuan Umum
Wonten
Pangandikan mekaten mboten mligi saking guru lan buku jawi nanging kathah sanget wawasan saking buku lan tiyang sanes pinangka kembang –
kembanging basa alus lan luwesing
pangandikan ( ngrumpaka )
- Wawasan
Babagan basa jawi
Karono
basa jawi ingkang badhe kita udi, pramila penjenengan kedah pados wawasan utawi
pengertosan babagan basa jawi umpaminipun
basa Krama andhap (ngoko) Krama Madya, Krama
Inggil lan basa Kawi, sukur bage ngertos artosipun supados pangandikan saget trep lan kapireng
wijang
- Lagu Suwanten
Menggahing
MC (pambiwara) lan Pamedharsabda
mekaten kedah ngudi babagan pangolahing swanten kanthi saestu, supados
medalipun swanten sekeca dipun mirengaken, kados pundi, rindhik lan raketipun,
mandhap lan minggahipun, ampun ngantos kesesa. Jalaran pangolahing swanten
mekaten mujudaken syarat utami menggahing tiyang
pangandikan.
- Busana /
Ageman
Busana
utawi ageman, mboten kalah pentingipun kangge tiyang dados MC (pambiwara) lan Pamedhar sabda, ageman
kedah dipun larasaken kaliyan adicaranipun ingkang lumampah, supados ketingal profesional
Mugi mugi
sekedhik ingkang kula aturaken sawau saget kangge pambukaning raos penjengan
badhe ngawiti sinau sareng – sareng babagan olah basa, Olah Tata sastra, olah swanten, tata krami,
tuwin Unggah ungguh. Sanajan nembe
tingkatan palin andhap.(dasar)
Karono
kekirangan pangertosan kula pramilo semanten atur purwakan ingkang saget kula aturaken wonten ngarsa
penjenengan, pungkasaning atur Jenang
selo wader kali sesondheran Apuranto yen
wonten lepat kawula.
Wasalammu’alaikum
waroh matullohi wabarokatuh.
Sinau BOSO JOWO niku gampile eram, ingkang angel niku SINAU BASA JAWA, amargi kedah paham seratan latin mawi basa Jawi. Seratan BOSO niku wonten tata tulis latin mawi basa Jawa mboten leres, ingkang leres BASA. Semanten ugi BUSONO ( leresipun BUSANA),SEDOYO(leresipun SEDAYA) lan sakpanunggile. Amargi kaslarasaken menawi kaserat mawi aksara Jawi. Pangapunten!
BalasHapusYth Sdr Edy S Triwida Maturnuwun sanged jengandiko sampun kepareng silaturochim wonten Blog kulo lan matur nuwun awit paringipun pangandikan, meniko satunggaling pangajeng ajeng kulo supados anggen kulo sinaubosojawi saged langkung leres lan tumoto Nuwuuuun
BalasHapus